El día 3 de febreru l’alumnáu de 2º Bachilleratu del IES Montevil asistió a l’actividá organizada pola Oficina de Normalización Llingüística del Ayuntamientu de Gijón/Xixón dientro de les salíes programaes pol departamentu d’estraescolares nomada L’ayalga perdida.
L’actividá foi bien prestosa y tuvieron que resolver pruebes rellacionaes cola llingua asturiana nun formatu paecíu a un scape room. Fueron ocho retos distintos nos que se-yos daben pistes p’aldovinar una clave final. L’alumnáu tuvo mui participativu y foi quien a resolvelos toos ensin ayuda esterna. Una mañana perinteresante y, que de xuru, repetiremos l’añu que vien.
