Les moces y los mozos de ESO del IES Montevil esfrutaron, dempués del parón de la pandemia, de los 18 Alcuentros de la Mocedá cola Llingua el martes 17 de mayu nun Muséu del Pueblu d’Asturies xuntu al alumnáu de secundaria de Xixón: un día pa sacar la llingua ensin mieu nin vergoña nin rocea nin prexuicios fatos. Asina, participaron nes siguientes actividaes:
- Xuegos tradicionales: Bolos, zancos, panoyes, cuerdes, barres, llaves, palos y pañuelos…
- Yinkana literaria: Conocieron personaxes bien famososo del mundu de la historieta como Castañones, galos irreducibles, un filandón, trasgos, serenes…
Pa poner el ramu a los alcuentros, el gaiteru Tever dio un conciertu entemeciendo tradición y anovación nun espectáculu musical y audiovisual ablucante.
